#НАУРЫЗ#МЕЙРАМЫ#
2024 жылдың 20 наурыз күні «Новоишим қазақ орта мектебі» КММ-де Наурыз мерекесіне арналған «Жаса, Наурыз, дәстүрлі» атты мерекелік бағдарлама өтті. Іс-шара барысында «Адай күйі» , «Төрлет, Наурыз» , «16 қыз» атты әндері орындалып, «Беташар», «Қоныс той » салт-дәстүрлері көрсетілді. Мерекелік бағдарламаның 1-ші бөлімі жанға жағымды, тәнге пайдалы «Қара жорға» биімен аяқталды.
Бағдарламаның 2-ші бөлімінде «Шынықсан, шымыр боласын!» ұранымен ойнатылған «Арқан тарту», «Оқтау тартыс», «Асық ату», «Аударыспақ» ұлттық ойындары мерекенің шырайын келтірді.
Мерекелік бағдарламаның сонында оқушылар, ұстаздар, ата-аналар, дайындалған наурыз көжеден, ыстық палаудан, бауырсақтан дәм татып, өздерінің жылы лебіздерін білдіріп жатты.