Образование
24.12.2022
Дебат
Дебат – жастарды көшбасшылыққа баулудың бірден - бір жолы. Ел ертеңі болатын жастардың өз ойын ашық білдіріп, еркін сөйлеуі маңызды.
«Новоишим қазақ орта мектебі» КММ-де дебатқа деген қызығушылықты арттыру мақсатында білім алушылар арасында жоспарға сәйкес жұмыстар жүргізілуде.
2022 жылдың 19 желтоқсанында «Ойдария» пікірсайыс клубының мүшелері 11 сынып оқушысы Бөкенбай Нұртуған мен 10 сынып оқушысы Ахметов Мирас Б.Н. Рамазанованың жетекшілігімен пікірсайыс ойындарының облыстық іріктеу кезеңіне алғаш рет қатысып , ойын қорытындысы бойынша 16 қатысқан команда ішінде жартылай финалға шықты.
2022 жылдың 24 желтоқсанында онлайн форматта өткен облыстық дебат ойындарының жартылай финалына 11-сынып оқушылары Бөкенбай Нұртуған мен Шарбекова Мадина 8 командамен сайысқа түсті. Нәтижесінде қатысушыларымыз финалға өте алмаса да, оқушылардың өздерін ұстауы, сөйлеу мәдениетi мен сөз алу тәртiбi бойынша дебатқа деген үлкен дайындықтары байқалып тұрды.
Бұл ойындарда жеңіске жету емес, қатысу маңызды. Бұл - тамаша тәжірибе деп санаймыз!
