«Мемлекеттік рәміздер - ұлттық мақтанышыз»
Елін, жерін сүю мен Отанға деген адалдықтың бір белгісі – мемлекеттік рәміздерімізді қадір тұту болып табылады. Жас ұрпақты елжандылық негізде тәрбиелеуде мектептің алар орны ерекше.
4 маусым – Мемлекеттік рәміздердің 30 жылдығы аясында «Новоишим қазақ орта мектебі» КММ-де «Мемлекеттік рәміздер - ұлттық мақтанышыз» атты салтанатты мерекелік бағдарлама өтті. Сағат 10.00-де мемлекеттік Әнұран орындалғаннан кейін, 4 сынып оқушылары патриоттық сезіммен Әңұран, Ту, Елтаңба туралы тақпақтарды мәнерлеп оқыды. 1 а сынып оқушысы Ғалымжан Дәрия «Тәуелсіздік ел ұраны» әнін, ал 2 а сынып оқушысы Айнадин Айсұлтан «Еліме арнайын» әнін жоғары дәрежеде орындады. 4 ә сынып оқушылары «Айша-бибі домалақ» қазақ биін биледі. Мекерекелік бағдарламаның 1-ші бөлімі «Біз бақытты Қазақстан ұрпағымыз!» әнімен аяқталды.
2-ші бөлімінде барлық қатысқан оқушылар «Мемлекеттік рәміздер - ұлттық мақтанышымыз» тақырыбында акварельмен, түрлі түсті қарындаштармен сурет салды.
Мемлекеттік рәміздерді қадірлеу тәуелсіз Қазақстанның әрбір азаматының қасиетті борышы. Мемлекеттік рәміздерді құрметтеу – елді, халықты, тарихты, әдет- ғұрыпты, салт- дәстүрді қастерлеу болып табылады.
