Новоишим қазақ орта мектебінің бастауыш сыныптары арасында 15-22 қараша аралығында «Білім жолын бастаған, Бастауышым бастамам» атты пәндер  апталығы өтті. Әр ұстаз өз шеберліктеріне қарай іс- шаралар мен ашық сабақтарында  жаңа әдіс – тәсілдерді қолданып, дайындықпен жоғары деңгейде өткізе білді. Ашық сабақтар барлық негізгі  пәндер (әдебиеттік оқу, қазақ тілі, математика, дүниетану) бойынша қамтылды. Сабаққа оқушылар белсене қатысып, өз білімдерін жоғары деңгейде көрсете білді. Сонымен қатар бастауыш сынып оқушылар арасында оқушылардың шығармашылық жұмыстарының көрмесі ұйымдастырылды.  Оқушылар қолынан шыққан ерекше дүниелерге ұстаздар жоғары баға берді.Сонымен қатар ұстаздар арасында "Шынықсаң шымыр боларсың" атты спорттық сайыс өте жоғары деңгейде өткізілді. Апталық соңында оқушылар мадақтамалармен марапатталды.