«Сапалы білімге тең қол жетімділікті қамтамасыз етудегі ресурстық орталықтың рөлі»
2020 жылы 25 қараша күні Новоишим қазақ орта мектебі Калинов орта мектебімен бірігіп «Сапалы білімге тең қол жетімділікті қамтамасыз етудегі ресурстық орталықтың рөлі» облыстық онлайн-семинарды өткізді. Семинардың мақсаты: Білім сапасын қамтамасыз етуде тірек мектептері (ресурстық орталықтардың) жұмыстарын үйлестіру, ғылыми-әдістемелік жұмыстарды ұйымдастыруда тиімді әдіс-тәсілдер түрлерін анықтау.
Онлайн- семинардың барысында Новоишим қазақ орта мектебінің атынан «Новоишим қазақ орта мектебі» КММ тәрбие ісінің орынбасары Амиржанова Б.К баяндады, келесі сұрақпен «Сыныптан тыс жұмыстар оқу іс-әрекетінің құрамдас бөлігі ретінде». Өз баяндамасында Бахытгуль Кеңесқызы солай деді: Ұлттың бүгіні де, болашағы да тәрбиелі ұрпаққа байланысты.
Ұрпақ тәрбиесі – келешек қоғам тәрбиесі. Сол келешек қоғам иелерін жан-жақты жетілген, ақыл парасаты мол, мәдени – ғылыми ой өрісі озық етіп тәрбиелеу біздің қоғам алдындағы борышымыз. Сондықтан баланың
бойына жастайынан ізгілік,мейірімділік,қайырымдылық,кішіпейілділік, яғни адамгершілік құнды қасиеттерді сіңіріп, өз өзіне сенімділікті тәрбиелеуде отбасы мен педагогтар шешуші роль атқарады. Ауыл – ата бабамыздың кіндік қаны тамған жері, ұлтымыздың алтын бесігі, оның әлеуметтік және мәдени дамуының басты күретамыры.
2011-2020 жылдарға арналған Мемлекеттік даму бағдарламасын жүзеге асыру және шағын жинақты мектептердің мәселелерін шешу мақсатында 2016-2017 оқу жылында Ғабит Мүсірепов атындағы аудан орталығында біздің Новоишим қазақ орта мектебі ресурстық орталыққа айналды. Біздің ресурстық орталыққа «Шұқыркөл орта мектебі» КММ, «Жаманшұбар негізгі мектебі» және «Сарадыр негізгі мектебі» магниттік мектептер ретінде тіркелді.
Жұмыс барысында ресурстық орталыққа магниттік мектептерден келетін оқушылардың саны анықталып, тізімі дайындалады. Ресурсқа келген оқушылар жатақхана бөлмелеріне орналастырылып, күн тәртібімен, мектеп жанындағы жатақхана ережелерімен таныстырылады. Оқу-тәрбие үрдісі бойынша күн тәртібі, сабақ кестесі бекітіліп, тәрбие жұмысына маңызды назар аударылады.Сыныптан тыс жұмыстар оқу іс-әрекетінің құрамдас бөлігі болып табылады.
Новоишим қазақ орта мектебінің әкімшілігі спикерлерге және қатысушыларға алығысымызды білдіреміз.
