Облыс әкімі барлық жиналған қауымды мерекемен құттықтап, мектебімізге «Газель» автокөлігін, 1-сынып оқушыларына Елбасымыз Н.Ә.Назарбаевтың атынан «Менің Отаным Қазақстан» атты кітаптарды, сонымен бірге әр оқушыға сыйлық ретінде портфелдер табыс етті. Ақ жаулықты апаларымыз жаңа ғимаратқа өз шашуларын ала келіп, жиналған қонақтар мен мектеп оқушыларына шашты. Мектептің лентасын қию рәсімі Облыс әкімі Е.Сұлтановқа, «Альфа-Север» шаруашылығының директоры С.В.Капустинға және мектебіміздің «Алтын белгі» үміткері Иманбаева Алияға берілді. Мектеп оқушыларына «Мен елімнің патриотымын» тақырыбында сынып сағаттары өткізілді. Бүгін еліміздің жер-жеріндегі білім ұясы – мектептерде алғашқы қоңырау соғылады. Таңның атысынан бастап қала көшелерінің сәнін келтірген, қолдарында гүл шоқтары бар, жүздерінде күлкі ойнаған оқушыларды көріп, өзің де бір сәт бақытты балалық шаққа саяхат жасап қайтасың. Жаз бойы жайбарақаттық танытқан мектеп ауласы да бүгін сыңғырлаған күлкі мен абыр-дабырға толы. Жүздерінде толқыныс пен қуаныштың табы аңғарылған талай бүлдіршін бүгін болашаққа деген алғашқы қадамын басып, имене мектеп табалдырығын аттайды. Тарыдай болып кіргелі тұрған мектебіндегі алғашқы күн, алғашқы ұстаз, алғашқы парта, алғашқы сабақ… Бүгін ғана алтын ұя мектебін алғаш рет аттап, ұстаз атты ұлағатты жанның жүзін алғаш көрген бүлдіршіндеріміз ертең-ақ ел басқарар азамат, ерен тұлғасы болары анық. Олардың жүректерінің лүпілі осыны аңғарып тұрғандай. Ал шәкірттердің енді бір тобы бірер айда мектеп атты аяулы құт мекендерімен қош айтысып, үлкен өмірге қадам басқалы тұрған – болашақ түлектер. Олар осы оқу жылында үлкен сын сағаттары күтіп тұрғанын сезеді. Іштей алтын ұя мектептеріне деген қимастық сезімдері де алаулап тұр..
Сынып сағаттарынан кейін сынып жетекшілер өз сыныптарын мектеп ғимаратына экскурция жасады. Мерекеге көптеген қонақтар, ата-аналар келіп, мектепті аралап, жаңа ғимаратқа өз тілектерін айтып жатты. Мектеп кітапханасында кітапханашы Ш.К.Кусайнова оқушыларға кітапхана ішімен таныстырып, кітап сөрелерінде тұрған жаңа кітаптар туралы мағлұматтар берді. Мектептегі білімнің нәтижелі болуы білікті ұстазға байланысты екені сөзсіз. Тәжірибелі де, білімді ұстаз – ұрпақ жанашыры. Сауатты мұғалім білімді шәкірт тәрбиелейтіні де шындық. Ендеше, жаңа оқу жылы, жаңа ғимаратымыз жетістіктерге толы болып, ел тұтқасын ұстайтын білімді шәкірттер саны артсын деген тілек бар бізде!
«Балаларға қатысты зорлық – зомбылықтың және кәмелетке толмағандардың жыныстық тиіспеушілігіне қарсы қылмыстардың алдын алу тақырыбында жадынамалар таратылып, кеңестер берілді.
КММ-нің «Жас сақшы» жасақ мүшелері республикалық «Жүргізуші, абай бол!» флешмобына қатысып, жол қауіпсіздігіне бағытталған ақпараттық-түсіндіру жұмыстарын жүргізді.
2025 жылғы қараша айында мектептің бракераждық комиссиясы жоспарға сәйкес асхананың санитарлық-гигиеналық жағдайына, тамақ өнімдерінің сапасына және тамақ дайындау үдерісіне кезекті тексеріс жүргізді.
«Балаларға қатысты зорлық – зомбылықтың және кәмелетке толмағандардың жыныстық тиіспеушілігіне қарсы қылмыстардың алдын алу тақырыбында жадынамалар таратылып, кеңестер берілді.
КММ-нің «Жас сақшы» жасақ мүшелері республикалық «Жүргізуші, абай бол!» флешмобына қатысып, жол қауіпсіздігіне бағытталған ақпараттық-түсіндіру жұмыстарын жүргізді.
2025 жылғы қараша айында мектептің бракераждық комиссиясы жоспарға сәйкес асхананың санитарлық-гигиеналық жағдайына, тамақ өнімдерінің сапасына және тамақ дайындау үдерісіне кезекті тексеріс жүргізді.
