2017 жылдың 10-24 - ші сәуір аралығында Новоишим қазақ орта мектебінің жанындағы «Қызылжар» шағын орталығы мен даярлық топтар арасында «Білімді ұрпақ – ел тірегі» атты апталық өткізілді. Сол апталық ішінде 21-ші  сәуір күні Новоишим қазақ мектебінің спорт залында «Әкем, шешем және мен» атты отбасылық эстафета ұйымдастырылды. Эстафеталық жарыстың тақырыбы: «Мақсаты бірдің рухы бір».  Бұл эстафетаны ұйымдастырудағы біздің мақсатымыз - мектеп жасына дейінгі балалардың спорт туралы білімдерін кеңейту, денсаулық негізі қимыл, спорт екенін балаларға ұғындыру. Ата – аналардың балабақшамен тығыз байланысын дұрыс жолға қою және жарысқа ата – аналардың белсене қатысып, ынтымақтаса жүргізілген жұмыстардың нәтижелі болатындығына көз жеткізу. Салауатты Қазақстанның ұлағатты ұрпақтарын қалыптастыру. Бұл отбасылық эстафетаға 6 отбасы қатысты. Олар:  Уалиевтар , Ахметовтар,    Бәдір,  Елеуке , Хатран, Серикбай  отбасылары.

Өнерге биік сеніңіз

Думанға қызық келіңіз

Әділқазы ел сенген,

Өнерге баға беріңіз,- деп жарысқа әділ бағасын беретін әділқазылар алқасы тағайындалды.

Эстафеталық сайысымыз мынадай кезеңдерден құралды:   

Ойынның шарттары:   1.Таныстыру(топтың аты, ұран, эмблема).

2. «Жүйрік ат» эстафетасы
3. «Кім епті» эстафетасы
4. «Кім жылдам» эстафетасы
5. «Допты шеңберге лақтыру» эстафетасы

      6.«Ұзындыққа секіру»

Барлық берілген тапсырмалар оңайлықпен, қызуғышылықпен орындалып, жарыс сонында жеңімпаз командалар да анықталды.  Бұл  отбасылық эстафеталық жарысымызды ұйымдастырудағы басты мақсатымызға жеттік деп ойлаймыз. Өйткені,  ата-аналар мен тәрбиешілер, ұстаздар арасында тығыз байланыс болғаны байқалды. Ата-аналар өз ризашылықтарын білдіріп, жақсы көңіл қүймен оралды. Жарысққа қатысқан барлық ата-аналар мақтау қағаздарымен және шағын сыйлықтармен марапатталды. Отбасылық эстафетаны ұйымдастырған Новоишим қазақ орта мектебінің жанындағы «Қызылжар» шағын орталығының тәрбиешілері: Нургалиева Н.А, Токкужина Г.Ж.