«Кітапты өзің оқыда, басқаға бер!»
«Оқырман мектеп» жобасы бойынша «Новоишим қазақ орта мектебі» КММ-нің кітапханасында «Буккроссинг» акциясы аясында «Кітапты өзің оқыда, басқаға бер!» атты көрме ұйымдастырылды. <br />Жалпы кітап – біздің асып таспайтын асыл досымыз. Технология атауы қанша дамып жатыр десек те қай заманда болмасын кітаптың орны биік тұрары сөзсіз. Алайда, қазіргі кезде кітапхана мен кітап дүкендеріне баратын жандардың азайып бара жатқандығы өкінішті. <br /> Біріне уақыт, екіншісіне қалтамыздың көтере бермейтіндігі сылтау. Ал бұл екі сылтауға да кедергі бола алатын шара «кітап сыйлау» немесе «кітап алмастыру» акциясы яғни «Буккроссинг» сіздерге көмектесе алады.<br /> «Буккроссинг» қазақшаға аударғанда «кітап сыйлау» немесе «кітаптың айналыста жүруі» деген мағынаны білдіреді. Үйлеріңіздегі оқып болған кітапты алып келіп орнына оқымаған кітаптарыңызды алуларыңызға болады. Буккроссингті алғаш ойлап тапқан ғалым Рон Хорнбекер. Ол 2001 жылы көпшілік жүретін жерде мынандай жазуы бар кітапты қалдырып кеткен екен: «Бұл жоғалып кеткен кітап емес, оның бұрынғы иесін мына сайтқа кіріп біле аласыз. Кітапты оқып болған соң оны әрі қарай саяхаттауға жіберуіңізге болады». Жазылған хат пен кітап адамдарға қызықты болған соң, сайтқа кірушілер саны артып, оқырмандар саны көбейген. <br />Мақсаты: оқушыларды кітап оқуға деген қызығушылығын арттыру.
Жабаевтың 175 жылдығына арналған кітап көрмесі
«Новоишим қазақ орта мектебі» КММ-нің кітапханасында ұлы ақын, қазақтың ауызша поэтикалық өнерінің шебері Жамбыл Жабаевтың 175 жылдығына арналған кітап көрмесі ұйымдастырылды.<br />Мақсаты: Аты аңызға айналған халық ақыны, жыраулық өнерінің шебері, <br /> айтыскер Жамбыл Жабаевтың шығармашылығын,<br /> ауыз әдебиетінде жүрген көп өлеңдерін, жырларын термелерін <br /> халыққа тереңнен жеткізіп, түсіндіру;<br /> ақын шығармашылығын дәріптеу; жастарды отансүйгіштікке <br /> баулу.<br /><br />Жамбыл Жабаев Шапырашты руынан шыққан кедей көшпенді Жабайдың отбасында дүниеге келген. Аңыз бойынша Жамбылды анасы Ұлдан атасы Істібайдың ауылына жасалған шабуыл кезінде босаныпты. Болашақ ақын Жамбыл тауларының бөктерінде, Шу өзенінің бас жағында туылған. Суырып салма өнерін ұстазы, белгілі ақын Сүйінбайдан үйренеді. Жамбылдың Бақтыбай, Айкүміс, Сарыбас, Шашубай, Құлмамбетпен айтыстары көпке кеңінен танылды.<br />Жамбыл «Сұраншы батыр», «Өтеген батыр» дастандарына сүйеніп, «Хан мен ақын», «Жалқау туралы ертегі» сынды ертегілерін жазды. Ұлы Отан соғысы жылдарында жазған «Ленинградтық өренім», «Майданға хат», «Отан әмір» өлеңдері жауынгерлердің рухын асқақтатып, тыл еңбекшілерін жігерлендірді. Ақын 1945 жылдың 22 маусымында жүз жасқа жетпей көз жұмды. Оның шығармалары әлемнің 50 шақты тілдеріне аударылған.
"Құстарға көмек"
"30 игі іс" қайырымдылық марафоны аясында «Новоишим қазақ орта мектебі» КММ –нде "Құстарға көмек" "Құстар үшін үй" атты 04.12-11.12 аралығында бастау алған акция жалғасуда. Акцияның мақсаты: балаларды құстарға ұқыпты қарауға, оларға қамқорлық жасауға тәрбиелеу.<br />Шынында да құстар үшін қыс - қиын уақыт, әсіресе қыс суық болса. Аш құс суықтан қатты зардап шегеді . Құстарға қолдау жасау ретінде үйшіктер жасап, жем, тамақ салуды әдетке айналдыру керек.
«Қазақи есім құпиялары"
«Рухани жаңғыру» бағдарламасының «Ұлттық бірегейлікті сақтау» бағытының «Дәстүр мен ғұрып» арнайы жобасына сәйкес «Новоишим қазақ орта мектебі» КММ-нің мектеп жанындағы интернат тәрбиеленуші балаларымен «Қазақи есім құпиялары" тақырыбында тәрбие сағаты өтті.<br /><br />Тәрбие сағатының мақсаты: Қазақ салты бойынша балаға ат қою рәсімдері, ат қоюдың ежелден қалыптасқан жүйесі туралы түсіндіру. Қойылған есімнің құпиясы мен мағынасы адам өміріне үлкен рөль атқаратынын, ақыл ойына, сана сезіміне тікелей қатысы барын, өмірде өз орнын табуға ықпал ететінін меңгерту. Өз есімдерінің мәнін түсініп, ата-ана сенімін ақтауға баулу, қоршаған орта мен байланысын арттыру, көне басшылық қабілетке тәрбиелеу. <br />Іс-шара барысында балалар өз ойларымен пікір таласты, ат қою рәсімі салт бойынша талқыланды. Нәтижесінде оқушылардың салтқа көп көңіл бөлетіні анықталды.
«Мейірімділік – асыл қасиет»
Адам бойындағы бағалауға лайық қасиет - ақыл емес. Қайта сол ақылды басқаратын қасиеттер: мінез, жүрек, мейірімділік, таза ой.<br />Новоишим қазақ орта мектебі» КММ-де «30 игі істер» жобасы аясында 19 ақпан күні 3 «А» сыныбында Б.А. Увалиеваның жетекшілігімен «Мейірімділік – асыл қасиет» тақырыбында тәрбие сағаты өтті. Мақсаты: адамның бойындағы ұнамды - ұнамсыз қасиеттерді айта отырып, оқушыларды адамгершілік, кішіпейілдік, тазалық, достық, ар-ұят, әдептілік сияқты асыл қасиеттерді бағалай білуге тәрбиелеу.
"Мамандықтар әлемі"
"Новоишим қазақ орта мектебі" КММ-де 18 ақпан күні кәсіптік бағдар бағыты бойынша 8 сынып оқушыларымен мектеп психологі Сердалина Т.Б ZOOM платформасы арқылы "Мамандықтар әлемі" деген тақырыпта тренинг өткізді. Тренинг барысында мамандық түрлері, жаңадан пайда болған мамандықтар және оқушылардың болашақ мамандықтары туралы сөз қозғалды. Өткізілген ойындар мен жаттығулар арқылы балалар өздерінің қай салаға жақын екендіктерін анықтауға тырысты. Тренинг соңында балаларға мамандықты дұрыс таңдау жолдарына байланысты кеңестер ұсынылды.
"Дойбы және шахмат"
"Новоишим қазақ орта мектебі" КММ-де " Жас ұлан" ұйымының "Зерде" бағытының жоспарына сәйкес 16-23 ақпан аралығында аға тәлімгердің ұйымдастыруымен "Дойбы және шахмат" ойындарының сайысы бастау алды. Мақсаты: оқушылардың логикасын, зейінін, ойлауын дамыту, осы ойындарға деген қызығушылықты ояту, дойбы мен шахматты жақсы ойнай алатын оқушыны анықтау.
"Ана, мейірім, бейбітшілік және достық"
"Руханилықтың мөлдір бұлағы" атты тақырыпта Новоишим қазақ орта мектебінің 3-4 сынып оқушыларының "Ана, мейірім, бейбітшілік және достық жайлы қолөнер көрмесі ұйымдастырылды.
"Мейірімділік асыл қасиет"
Новоишим қазақ орта мектебінде "Махаббат пен шығармашылық педагогикасы" атты онкүндігі аясында 2021 жылдың 12 ақпан жұлдызында "Өзін-өзі тану" пәні мұғалімі Карабаева Карашаш Мурзахметқызы 3"ә" сыныбында "Мейірімділік асыл қасиет" 7 сыныпта "Өнеге отбасынан" тақырыптары бойынша ашық сабақтар өткізді.
"Жақтаушы" және "Даттаушы"
Рухани адамгершілік онкүндігі аясында Новоишим қазақ орта мектебінің 9 сынып оқушылар арасында "Қайырымдылық әлемді құтқарады" тақырыбына дебат ойыны өткізілді. Ойын барысында оқушылар берілген тақырыпқа "Жақтаушы" және "Даттаушы" позициялары бойыншаөз ойларын білдірді. Балаларды шешендік өнерге баулу, өз ойын жеткізу бағытында жұмыс атқарылды.
«Қайырымдылық әлемді құтқарады»
Адамға бақыт сыйлай алатын нәрсенің барлығы тегін. Олар – шынайы сезім мен жылы сөз, жаныңда жүрген жақын жандардың махаббаты.<br />Оқушылардың бойына рухани-адамгершілік қасиеттерді ұялату, адамдық асыл қасиеттерді игеруге ықпал ету, дұрыс әрекет құндылықтары туралы ұғымдарын тереңдету, қамқорлық, кеңпейілділік түсініктерін кеңейту мақсатында 10 ақпан күні «Махаббат пен шығармашылық» онкүндігі аясында «Новоишим қазақ орта мектебі» КММ-де жоспарға сәйкес «Қайырымдылық әлемді құтқарады» тақырыбында жоғары сынып оқушылар арасында дебат өтсе, 1-11 сыныптарда «Балаға жүрек жылуы» тақырыбында сынып сағаттары өткізілді.
"Өзін-өзі тану"
Новоишим қазақ орта мектебінде "Махаббат пен шығармашылық педагогикасы"атты апталық аясында мектеп кітапханасында Мамбеталинова Бибігүл Амирқызы мен өзін өзі тану пәнінің мұғалімі Карабаева Карашаш Мурзахметқызы 4 сынып оқушыларымен "Өзін-өзі тану" рухани-адамгершілік білім беру бағдарламасының авторы С.А.Назарбаеваның қызметі туралы, оның ішінде автордың жазған кітаптары мен Қазақстандық және әлемдік ойшылдардың, педагог-гуманистердің шығармаларымен таныстырды.
