ХАБАРЛАНДЫРУ!!! Құрметті ата-аналар!!! 2016-2017 оқу жылынан бастап Новоишим қазақ орта мектебінің оқушылары бірыңғай мектеп формасына көшті. Құрметті даярлық сынып оқушыларының ата-аналары!!! Сіздерді Петропавл қаласындағы "ФАСОН" ательесімен ұжымдасып жұмыс істеуге шақырамыз. Мектеп формасының үлгілері және бағалары қосымша парақта берілген.

10-сынып оқушысы Мукашев Мерейхан облыстық  «Жарқын болашақ» қазақ тілі олимпиадасы   «Сөз шеберлері» номинациясының  ІІІ орын  жүлдегері.

11- сынып оқушысы Иманбаева Алия мен 10-сынып оқушысы Бериков Ерғанат жалпы білім беретін пәндер бойынша облыстық ғылыми жобалар жарыстарының жеңімпаздары  атанып, ІІІ дәрежелі дипломға ие болды. Зерттеу жұмысы үш тілде жүргізілді: қазақ, орыс және ағылшын тілдерінде. Ғылыми жетекшілері- қазақ тілі мен әдебиеті  мұғалімі Жолдаспаева Гүлмира Мұхтарқызы, орыс тілі мен әдебиеті мұғалімі Байзакова Ғалия Майданқызы, ағылшын тілі мұғалімі Алимгужина Алия Еркінқызы.

Соңғы кезде әлемнің көптеген ел­дері үшін терроризммен күрес мә­селесі аса өзекті болып отыр. Шындығында, дін зайырлы қо­ғамымыздың ажырамас бөлігі болып табылады, сондықтан құ­зырлы мемлекеттік мекемелер елі­міздегі діни қатынастарды одан әрі дамытуға әрқашанда мүдделік танытады. Осы орайда қазан айының 5-і күні біздің мектебімізге аудандық саясат бөлімінің бас маманы К. Минашева және аудандық мешіттің бас иманы Сейфолла қажы келіп мектеп ұжымына және оқушыларға терроризмнің зардаптары туралы әңгіме өткізді. 

Новоишим қазақ орта мектебінің 5-11қырқүйек аралығында «Отбасы – бақыт мекені» апталығы өтті. Саптүзеуде  оқушыларға жоспар таныстырылды.  Кітапханада балалардың назарына «Мықты отбасы – мықты мемлекет» әдеби кітап көрмесі ұйымдастырылды.

Новоишим қазақ орта мектебінде 10-18 қазан аралығында «Рухани келісім күніне» арналған апталық өтті. Саптүзеуде  оқушыларға жоспар таныстырылды.  Кітапханада балалардың назарына әдеби кітап және дәлізде Шапия Қасенқызының ұйымдастыруымен 8-11-сыныптар «Қазақстан халқының рухани бірлігі: өткен және осы күнгі» плакаттар  көрмесі ұсынды.

1 қыркүйек – айрықша мәні бар, айтулы мереке. Балалық шақтың ең бір ерекше сәті болып саналатын мектеп қабырғасындағы бақытты кез кімге болса да ұмытылмас естелік, жазылар жыр. Әсіресе, биылғы оқу жылының басталуы біздің  ұстаздар қауымы, оқушылар мен ата-аналар үшін ерекше мереке болмақ, себебі тағы бір кезекті оқу жылы жаңа ғимаратта басталды. Мектебіміздің ашылу салтанатына облыс әкімі Е.Х.Сұлтанов келді.