21 қараша күні педагогикалық қауымдастықты кеңейту және тәжірибе бөлісу мақсатында Новоишим қазақ орта мектебінде магниттік мектептер үшін «Оқу мақсатын жүзеге асыру жолдары» тақырыбында Ашық есік күні өтті. Мақсаты «Педагог қызметінің жалпы және кәсіби құзырлығын қалыптастыруда әдіс-тәсілдерді қолдануы және тәжірибе алмасу» болды. Бұл күні Алгожина Сәния Жомартқызы дүниетану пәнінен 3 «А» сыныбында, Шайда Ықылас музыка пәнінен 2 «Ә» сыныбында жеті модуль кіріктірілген жаңартылған бағдарлама білім беру аясында сабақ өткізді. Практикалық бөлімінде келген ұстаздармен оқу мақсаттарын жүзеге асыру қиындықтары талқыланып, шешу жолдары анықталды.