«Ризашылық пен алғыс»
1 наурыз - елімізде Алғыс айту күні. Бұл күн мейірімділіктің, бүкіл қазақстандықтардың бір-біріне деген достығы мен махаббатының жарқын мерекесі. Осы еліміздің ең жарқын мерекесін «Новоишим қазақ орта мектебі» КММ-нің жанындағы интернат тәрбиеленушілері де атап өтті.
Негізгі мақсатымыз:
1. Тәрбиеленушілердің жанұяға, ата - анаға, үлкен - кішіге деген сүйіспеншілігін, сыпайылық қарым - қатынастарын дамыту.
2. Ризашылық пен алғыс, жақсы тілек, ізеттілік туралы түсінік беру, бір - бірімен үйлесімді қарым - қатынас жасай білуге үйрету.
3. Адамгершілікке, мейірімділікке, ата-ананы құрметтеуге, үлкендерді сыйлауға тәрбиелеу.
Балалар «Рахмет»сөзінін мағынасын ашып ортаға өз пікірлерін салды.Екі топқа бөлініп, бірінші топ: мұғалімге, сыныптастарына, достарына алғыс айту сәтін сахналаса, екінші топ: әкеге, анаға, туған туыстарына, қонаққа алғыс айту сәтін сахналады. Сонымен қатар балалардың әзірлеген видеосы тамашаланып, қорытындыға алғыс қабырға хаттар әзірленді.
