Новости

2024 жылдың 24 қазанында «Новоишим қазақ орта мектебі» КММ кітапханашысы А.А.Шериязданова кітапханашылар күніне арналған «Кітапхана – білімнің күн шуағы» атты тақырыпта 3 сынып оқушыларымен кітапханашыға хат жазып, ойларымен бөлісті. Онда оқушыларға бірнеше тақырып берілді.

1. "Менің сүйікті кітабым": Балалар өздері оқыған кітап туралы әсерлерін жазып, сол кітапты ұсынған кітапханашыға рахмет айту.

2."Кітапханашыға алғыс": Балалар кітапханашының оларға қандай көмек көрсеткенін, кітап таңдаудағы көмегі үшін алғыс білдіріп, шығармашылық ойларын жеткізеді.

3."Менің кітапханамен таныстығым": Кітапханаға алғаш келген күндері, алғашқы алған кітаптары, сол кезде алған әсерлері туралы хат.

Ал 5 сынып оқушыларымен "Кітапты иллюстрациялау" шеберлік сағатын өткізді. Балаларға өздеріне ұнаған кітап немесе ертегіден белгілі бір үзіндіні таңдау ұсынылады. Мысалы, белгілі бір кейіпкердің портретін салу немесе оқиғаның қызықты сәтін бейнелеу. Балалар қандай кітап немесе ертегі бойынша жұмыс істейтінін еркін таңдады.

Мақсаты: Кітапхана – біздің рухани құндылығымыз, теңдессіз байлығымыз, өйткені өткен заман өрнектеріндей тарихты да, әдебиетті де, басқа ғылым кереметтерін де содан табамыз.Сондықтан біз, мектеп кітапханашылары, білімнің бастауы – кітап дей отырып, кітап мәртебесін көтерумен бірге, елімізде болып жатқан әрбір оқиғалардың насихатшысы екендігімізді көрсетуіміз керек.

Мектеп кітапханасы – мектептің жүрегі, бір бөлігі. Жаңа заман компьютер дәуірі болғанымен рухани азық іздеген, көзі ашық, көкірегі ояу әрбір адамның келер шаңырағы – кітапхана.

Кітапханашы мамандығы өзінің өте қызықты да, тартылымдылығымен ерекшеленеді. Себебі күн сайын жаңалыққа толы сәттер, яғни жаңа келген газет-журналдар, жаңа кітаптар және күн сайын келіп кітап алып жатқан оқушы, мұғалімдер легі т.б. осылай жұмыс күні жалғасып жатады. Кітапханашының жұмысы жаңалыққа құмарлықтан басталады. Сондықтан кітапханашы — ой-өрісі мықты, білімді, өз ісінің шебері.

Уақыт өзгертсе де мағынасын,

Жаңа ғасыр дамыса да құйын –жасын.

Кітапхана сақтаушы боп қала берер,

Ұлтымыздың мәдени қазынасын. – дей келе мектеп кітапханасында еңбек етіп жүрген кітапханашы әріптестерімізге кітапхана жұмысының сан қилы әдістерін меңгеріп, кәсіби шеберліктеріңді одан әрі шыңдап, білімді де білікті маман ретінде оқырман көңілінен шығып, олардың талаптарын қанағаттандыру бағытында еңбектеріңізге толағай табыс тілейміз.