«Мамандықты дұрыс таңдай білейік» деген тақырыпта сабақ-тренинг
Қарашаның 24 күні «Новоишим қазақ орта мектебі» КММ 10 сынып оқушыларымен «Мамандықты дұрыс таңдай білейік» деген тақырыпта сабақ-тренинг өткізілді. Ұйымдастырып өткізген кәсіби бағдар беруші Сердалина Т.Б. Тренингтің мақсаты: оқушыларға мамандық таңдауда олардың негізгі түрлері, классификасиясы, белгілері, мамандық тобы, таңдау әдістері туралы білімдерін, түсініктерін кеңейте отырып, мамандықтарға деген ынта – ықыласын, қызығушылықтарын арттыру.
Мамандықты таңдаған кезде оны қызығушылығына, икемділігіне, қабілетіне қарай таңдау керек екені ескертілді. Балалардың болашақ таңдаулары, соған сай бойларында болу қажет қасиеттері сөз болды. «Ойлан тап», «Жаңа мамандықтар», «Мамандықтар тізбегі» жаттығулары, «Қол мидың жалғасы» әдістемесі орындалды.
