«Болашаққа бағдар: рухани жаңғыру»
Елбасының «Болашаққа бағдар: рухани жаңғыру» атты мақаласындағы Ұлттық бірегейлікті сақтау идеясын жүзеге асыру шеңберінде Петропавл қаласындағы Абай атындағы мамандандырылған қазақ мектеп-гимназиясы жалпы білім беру ұйымдарының 9-11- сынып оқушылары арасында қазақ тілі мен әдебиетінен республика көлемінде өткізілетін ІІІ «Абайтану» олимпиадасының облыстық кезеңі 2022 жылдың 10 ақпанда онлайн режимде өткізілді.
Ережеге сәйкес олимпиада 2 айналымнан тұрды:
1- айналым - Абай қарасөздері мен поэзиясы негізінде эссе жазу
2- айналым – Абай өмірі мен шығармашылығы жайлы, М. Әуезовтің «Абай жолы » романынан алынған үзіндінің мазмұнын жалғастыру, роман мазмұнына қатысты «сократтық» сұрақтар арқылы жалпы білімін, логикалық ойлау деңгейін тексеру; Абай өлеңдеріне теориялық, эстетикалық талдау; Абай іліміне оқушы көзқарасы; Абайтанушылар арқылы баланың ізденісін, берілген сөйлемге кешенді талдау жасау арқылы грамматикалық сауатын тексеру.
Олимпиаданың облыстық кезеңіне біздің мектептің 9- сынып оқушысы Әлісқұлова Әсия қатысып бірінші айналым бойынша 3 орынға иеленді, мұғалімі Жахина Мәншүк Мырзагелдіқызы, және 10- сынып оқушысы Калишева Аяжан екі айналымға қатысып сертификатқа ие болды, мұғалімі Жолдаспаева Гульмира Мұхтарқызы.
