Образование
24.01.2020
«Ардақтайық әке мен ананы»
"Рухани жаңғыру бағдарламасы шеңберінде, «Саналы азамат» жобасы аясында сынып жетекші А.С. Кожахметованың ұйымдастыруымен 8 ә сыныбында «Ардақтайық әке мен ананы» тақырыбында ашық тәрбие сағаты өтті. Мақсаты: оқушылар бойына сүйіспеншілік, жылулықты ұялату. Ата-анасын құрмет тұтып, адал да парасатты ұл мен қыз болуға тәрбиелеу. Аталмыш іс-шарада оқушылар ата-ана туралы дана сөздерді оқып, «Қарт пен бала әңгімесі», «Еңбекпен тапқан тиын» көріністерін қойды, ырым-тыйым сөздеріне көңіл бөліп, «Ол өзіне керек,балам» бейнеролигін тамашалады. Тәрбие сағаты әр қазақтың үйінде көтеріңкі көңіл-күй, жылулық, адалдық, үміт, махаббат және түсіністік болсын деген тілекпен аяқталды.
