14 наурыз - Көрісу мейрамы.
14 наурыз - Көрісу мейрамы. Көрісу күнінде халық қыстан аман-есен шыққанына қуанып, бір-бірімен қол алысады.
14 наурыз күні жасы кішілер, ақсақалдар мен ақ жаулықты әжелерге барып, қос қолын беріп, көріседі. Бұл күні жасы үлкендер кішілерді күтіп, келгендерге «Бір жасыңмен! Жас қайырлы болсын, өмір жасың ұзақ болсын!» деп ерекше мейіріммен батасын береді. Осы күні әр үйде дастархан жайылып, ұлттық тағамдар қойылып, адамдар бір-бірімен құшақ жая амандасып, есендік сұрасады. Көңілде өкпе-реніштері болса, кешіреді. Татулыққа бастайтын бұл жол ислам қағидаттарына да өте жақын.
Дәл бүгін аудандық мәдениет және тілдерді дамыту бөлімінің әдіскерлері мен мәдениет үйінің қызметкерлері біздің мектебімізге келіп, барлық ұстаздарды, оқушыларды «Көрісу» мерекесімен құттықтап, жылы лебіздерін білдірді.
